2026-yil 25-26-mart kunlari Toshkent shahrida “Tashkent Water Week 2026” Xalqaro forumi bo‘lib o‘tmoqda. Forum Oʻzbekiston Respublikasi hukumati tashabbusi bilan Oʻzbekiston Respublikasi Suv xoʻjaligi vazirligi, Iteca Exhibitions xalqaro koʻrgazmalar kompaniyasi, Progressiv islohotlar markazi hamda “Toshkent irrigatsiya va qishloq xoʻjaligini mexanizatsiyalash muhandislari instituti” MTU koʻmagida tashkil qilinadi.

Forumning asosiy mavzusi: "Suv resurslarini boshqarishda texnologiyalar va innovatsiyalar. Markaziy Osiyo va global suv sikli" bo‘lib, Markaziy Osiyoda iqlim o‘zgarishi va suv tanqisligi muammolari, aholi, sanoat va iqtisodiy rivojlanish uchun suv resurslarini samarali boshqarish masalalari muhokama qilinadi.

Markaziy Osiyo iqlim o'zgarishi va suvga bo'lgan talabning ortishi tufayli suv tanqisligining ortib borayotganiga duch kelmoqda. Shu bilan birga, aholi, sanoat va iqtisodiy rivojlanish ehtiyojlarini qondirish uchun suvga bo'lgan talabning ortishi suv infratuzilmasiga bo’lgan bosimni oshiradi va suv resurslarini samaraliroq va oqilona boshqarishni talab qiladi.

Bunday sharoitda suv resurslarini samarali va barqaror boshqarish strategik ustuvor vazifaga aylanib bormoqda, bu mintaqaviy hamkorlikni mustahkamlashga va Markaziy Osiyoning global suv aylanishidagi roliga bevosita ta'sir ko'rsatmoqda. Ushbu muhim resursni samarali boshqarish uchun bir qator chora-tadbirlarni ishlab chiqish zarur. Mintaqa mamlakatlarida qishloq xoʻjaligi sugʻoriladigan dehqonchilikka asoslangan boʻlib, bu zamonaviy suv xoʻjaligi usullarini joriy etishni talab qiladi. Aholini yuqori sifatli ichimlik suvi bilan ta'minlash ham shu darajada muhim rol o'ynaydi.

Bugungi kunda Markaziy Osiyoda suv shunchaki resurs emas, balki mintaqadagi mamlakatlarning iqtisodiy barqarorligini belgilovchi strategik omil bo'lib, ular hozirda suv resurslarini birgalikda boshqarishning samarali modellarini izlamoqda.

Oʻzbekiston Hukumati tomonidan tashabbus koʻrsatib va birinchi marta ushbu formatda tashkil etilgan Forum tajriba almashish, innovatsion yondashuvlarni muhokama qilish va suv resurslarini boshqarish boʻyicha qoʻshma strategiyalarni ishlab chiqish uchun noyob imkoniyat yaratadi. Ishtirokchilar suv ta'minotidagi texnologik va raqamli innovatsiyalar, suv resurslarini boshqarishdagi global tendentsiyalar va asosiy muammolar, oziq-ovqat xavfsizligida suvning roli va tarmoqlararo hamkorlikni rivojlantirish, yashil standartlarni joriy etish, yerlardan oqilona foydalanish, inson kapitalini rivojlantirish va suv xo'jaligi sohasi uchun malakali kadrlar tayyorlash kabi masalalarni ko'rib chiqadilar.

Forum dasturi 16 ta sessiyadan iborat bo’lib, ularda quyidagi 19 ta mamlakatdan 80 ta spiker va 1200 dan ortiq delegat ishtirok etadi: Avstriya, BAA, Buyuk Britaniya, Finlyandiya, Fransiya, Germaniya, Italiya, Niderlandiya, Qozog'iston, Rossiya, Saudiya Arabistoni, Shveytsariya, Shvetsiya, Slovakiya, Tojikiston, Vengriya, Xitoy, O'zbekiston. 

Umuman olganda, forum dasturi professional hamjamiyatning barcha darajalarini — hukumat vakillari va xalqaro tashkilotlardan tortib biznes, ilmiy hamjamiyat, yosh mutaxassislar va tadqiqotchilargacha – birlashtirgan keng qamrovli platforma sifatida ishlab chiqilgan boʻlib, fan, amaliyot va biznes oʻrtasidagi sinergiyani taʼminlaydi hamda ilmiy ishlanmalarni real sanoat yechimlariga samarali joriy etish uchun sharoit yaratadi.

Mirshohid Aslanov forumdagi nutqida suv resurslarini boshqarish masalasiga alohida e’tibor qaratdi: "Ko‘plab mamlakatlarda muammo suv yetishmasligida emas — balki uni boshqarishdagi nazorat va samaradorlik yetishmasligida. Haqiqiy o’zgarish yangi infratuzilma qurishda emas, balki tizimni to‘liq va aniq ko‘ra olishda. O‘zbekiston oddiy, lekin kuchli tamoyilga o‘tmoqda: hamma narsani o‘lchash, ma’lumotlarga asoslanib boshqarish va natijalarni kuzatish. Agar siz suv harakatini real vaqt rejimida, manbadan tortib dalalargacha kuzata olsangiz, ko’plab muammolarni oldini olsangiz bo’ladi. Shunda “tanqislik” deb ko‘ringan masala aslida samaradorlik yetishmasligi ekanini tushunasiz. Ba’zi tarmoqlarda yo‘qotishlar 30–40% ga yetadi. Bu suv muammosi emas. Bu boshqaruv muammosi. Mamlakatimizda suv masalasiga yechim aqlli tizimlar, to‘g‘ri rag‘batlar va real ma’lumotlarga asoslangan boshqaruvda yotadi."

Shuningdek, ishtirokchilar suv ta’minotidagi texnologik va raqamli innovatsiyalar, suv resurslarini boshqarishdagi global tendensiyalar va asosiy muammolar, oziq-ovqat xavfsizligida suvning roli, tarmoqlararo hamkorlikni rivojlantirish, yashil standartlar, yerlardan oqilona foydalanish, inson kapitalini rivojlantirish va malakali kadrlar tayyorlash masalalarini muhokama qilinadi.

Forum “Suv va barqaror rivojlanish: muloqot, ishonch va qo‘shma yechimlar” deb nomlangan yalpi majlis bilan ochildi. Muhokamalar davomida ishtirokchilar xalqaro hamkorlik, suv infratuzilmasini modernizatsiya qilishda xalqaro moliya institutlarining roli va oziq-ovqat va ijtimoiy xavfsizlikni ta’minlashda suv resurslarining ahamiyatini ko‘rib chiqadi.

Forumning asosiy siyosiy tadbiri – mintaqa mamlakatlarining vazirlari va tegishli idoralar rahbarlarini birlashtirgan "Vazirlar muloqoti" strategik majlisi bo‘lib, unda suv resurslarini birgalikda rejalashtirish va monitoring qilish, gidrologik ma’lumotlarni almashish hamda mintaqaviy suv xavfsizligi va barqaror rivojlanishni mustahkamlash chora-tadbirlari ishlab chiqiladi.

Alohida sessiyalar aholini ichimlik suvi bilan ta’minlash va qishloq xo‘jaligida suvdan samarali foydalanish masalalariga bag‘ishlangan. Shuningdek, inson kapitalini rivojlantirish, yuqori malakali mutaxassislarni tayyorlash va ayollarning rolini oshirishga qaratilgan dasturlar muhokama qilinadi.

Ikkinchi kuni “TIQXMMI” MTU hududida “Bilimdan amalga: Markaziy Osiyoda suv xavfsizligini ta’minlash uchun suv fanlari va siyosatini uyg‘unlashtirish” mavzusida forum davom etadi. Ushbu forum mintaqaviy va global suv kun tartibidagi masalalarni hal qilish, hamkorlik va amaliy tavsiyalar ishlab chiqishga yo‘naltirilgan.